Новак Ѓоковиќ во финалето на УС Опен ќе игра против Данило Медведев.
Шпанскиот тенисер Карлос Алкараз не успеа да се пласира во финалето на УС Опен, последниот грен слем турнир, тој претрпе пораз од 3:1 од Данило Медведев, па љубителите на тенисот нема да можат да гледаат ново дерби меѓу Шпанецот и Новак Ѓоковиќ. .
Русинот успеа, барем според обложувалниците, да направи изненадување со 7:6(3), 6:1, 3:6, 6:3 и да се пласира во финалето, каде уште еднаш ќе игра против Српскиот ас.
Медведев досега има само една Грен слем титула, токму таму од Њујорк, па ова ќе биде вистинска можност за пресметка.
Пред било што да се каже погледнете го овој поен.
Алкараз беше јасен фаворит, како многумина да заборавија како доминираше Медведев во еден момент од годината, но тој целосно падна во сенка поради пресметката меѓу Шпанецот и Ѓоковиќ.
Сега тоа го наплати со камата, вторпат во кариерата победи против Алкараз, кому му го нанесе и вториот пораз на Грен слем турнирите годинава. Првиот беше од Новак Ѓоковиќ во полуфиналето на Ролан Гарос.
Медведев стигна до петтото грен слем финале во кариерата, со што стана најуспешен Русин на сите времиња. Успеа да го надмине успехот на Марат Сафин, кој играше во четири финалиња.
Како изгледаше натпреварот најдобро говори податокот дека Алкараз не забележа ниту еден ас, но ниту една двојна грешка. Во тој сегмент Медведев имаше сооднос 10:9, ризикуваше многу, но на крајот се исплатеше.
Се покажа дека тај-брејкот од првиот сет беше тој што одреди како ќе изгледа мечот, бидејќи Медведев одлично го одигра тој сегмент, а потоа изгледаше целосно доминантно во вториот сет.
Алкараз успеа да го освои третиот сет кога многумина мислеа дека може да дојде до целосен пресврт.
Меѓутоа, тој пеколен пресврт Медведев го доживеа веќе во финалето на Австралија опен во 2022 година (Рафеал Надал тогаш го освои 21. Грен слем трофеј), па не сакаше да дозволи да се случи нешто слично.
Во четвртиот сет уште еднаш го подигна нивото и на крајот го испрати Алкараз од теренот, додека публиката која се крена на нозе по три ипол часа врвен тенис му аплаудираше.
