Хуанчо Ернангомез беше неверојатен со 27 поени и без двоумење ја зграпчи титулата МВП на финалето.
Речиси сите ги отпишаа пред почетокот на Евробаскетот. Тие рекоа дека го имаат најслабиот тим на кое било големо натпреварување во историјата. И го земаа златниот медал и им покажаа на сите дека едноставно немаат рамен. Шпанците се победници на овогодинешниот Евробаскет по одличниот настап против Франција во големото финале во Берлин – 88:76.
Ова беше седма пресметка на две селекторски легенди на клупите на Шпанија и Франција, а сите шест претходни ги доби Серхио Скариоло, од кои некои и многу убедливи победи.
Како што започна ова големо финале, ни се чинеше дека ќе изгледа како некаква еднонасочна улица. Браќата Ернангомез ја изненадија Франција до тој степен што Шпанците по само пет-шест минути првпат стигнаа до двоцифрена предност.
Вечерашното финале беше вистинска мала „војна“ во која ги видовме сите можни оружја на Фуријата и Галските петли. Двете селекции имаа прилично добра вечер од далечина, а од рекетот се чинеше дека и покрај силниот Гобер предност има Шпанија.
Во текот на овој натпревар Шпанците многупати ја менуваа одбраната, неколку пати беа во зона, а тренерските способности уште еднаш ги покажа Серхио Скариоло.
Пресуди на крајот тој воведен удар на Шпанија, кој што во втората четвртина успеа да дојдат до предност од +21, која Франција успеа да ја стопи, но не целосно да ја анулира и да сврти во своја полза, иако тоа се обидуваа да го направат во текот на целиот натпревар.
Со тоа Шпанија ја продолжи неверојатната серија на сите јуниорски и сениорски селекции во машка и женска конкуренција, бидејќи претходно сите од 16 до 20 години земаа или злато или сребро, односно влегуваа барем во финалето. По друштвото на Скариоло, останува само да ги видиме нивните дами на Светското првенство кое почнува утре.
