Многумина пораснаа со овие зборови, но дали оваа теорија е точна?
Јадењето пред пливање може да биде опасно ако планирате да пливате „напорно“, сепак ако планирате лесно рекреативно пливање, не би требало да бидете изложени на ризик од сериозни грчеви, пишува HuffPost.
Во случај да сте такмичарски пливач или планирате да пливате на таков начин што тоа предизвикува напор кај вас, не започнувајте веднаш по јадење.
– Јадењето голем оброк, а потоа одењето на напорен тренинг за пливање може да доведе до проблеми како гадење или повраќање – истакнува тренерот за триатлон Џон Роудс.
Прејадувањето и консумирањето прекумерно зачинета или кисела храна може да предизвика грчеви во стомакот дури и во нормални околности, затоа избегнувајте ја оваа храна пред да пливате.
Алкохолот, од друга страна, може да биде многу опасен кога се комбинира со пливање. Ја нарушува координацијата, расудувањето, рамнотежата, реакцијата на студ и способноста за безбедно пливање.
