Светската одбојкарска федерација (ФИВБ) на седницата на Управниот одбор во Пунта Кана донесе голем број одлуки во врска со Светските и Европските првенства, како и квалификациите за Олимписките игри.
Административниот одбор на ФИВБ, на состанок со кој претседаваше претседателот д-р Ари да Силва Граса Фиљо, донесе одлука следното Светско првенство во сениорска конкуренција да се одржи во 2025 година со учество на 32 репрезентации.
Одлучено е Светските првенства во иднина да се играат секоја непарна година (2027, 2029, итн.), додека Континенталните првенства ќе се играат секоја парна година (2026, 2028, итн.). Тоа значи дека следното Европско првенство ќе се одржи по три години, во 2026 година.
Управниот одбор на ФИВБ го промени и системот на квалификации за Олимписките игри во 2028 година, кои ќе се одржат во Лос Анџелес, САД, така што нема да има квалификациски турнири.
Пласман на ОИ 2028 во двете конкуренции директно ќе имаат САД, домаќините на турнирот. Директно учество ќе обезбедат победниците на континенталните првенства во 2026 година (шампиони на Европа, Азија, Африка, Северна и Централна Америка и Јужна Америка), 3 репрезентации од Светското првенство во 2027 година и најуспешните кои не се квалификувале до тој момент, како и 3-те најдобро пласирани репрезентации од ранг-листата на ФИВБ кои до тој момент не се квалификовани.
Во информацијата се нагласува дека е потребно одобрение од МОК, како и дека постои можност на ОИ да се пласираат 4 селекции од СП и 2 од ранг-листата на ФИВБ, што дополнително ќе биде прецизирано.
На јубилејното XX СП 2025 во женска одбојка и на XXI СП 2025 во машка одбојкарска конкуренција ќе играат 32 репрезентации поделени во осум групи со по четири селекции. По три одиграни натпревари, по две селекции од секоја група ќе се пласираат во осминафиналето, а потоа ќе се играат четвртфиналето, полуфиналето, натпреварот за третото место и финалето.
Светскиот шампион во 17 натпреварувачки дена ќе одигра седум натпревари.
Управниот одбор на ФИВБ одобри и нов квалификациски систем за Светското првенство, со тоа што во иднина нема да се играат квалификациски турнири.
Пласман на СП 2025 ќе добијат домаќинот или домаќините на првенството, актуелниот светски шампион, три репрезентации од континенталното првенство 2023 (првите 3 селекции од ЕП 2023), како и 15 селекции (или помалку, во зависност од бројот на организатори на СП) од ранг-листите на ФИВБ по завршувањето на сезоната за репрезентативни натпревари во годината пред Светското првенство, односно по завршувањето на сезоната 2023/2024.
Управниот одбор на ФИВБ формираше работна група чија задача е да ги предложи датумите на конкурсот во периодот од 2025 до 2028 година. Работната група на ФИВБ го вклучува вториот потпретседател на ФИВБ, претседател на ЦЕВ и почесен претседател на ОСС, Александар Боричиќ, член на ФИВБ АБ и претседател на Комисија за спорт, Маделин Мепелинк и член на ФИВБ АБ и генерален директор на Светската одбојкарска федерација, Фабио Азеведо.
