Организаторите на Роланд Гарос споделија на социјалните мрежи промотивен постер во вид на најава за Грен слем турнирот кој ќе се одржи од 22 мај до 5 јуни во Париз.
Но, многумина го забележаа фактот дека на него го нема актуелниот шампион Новак Ѓоковиќ, што беше протолкувано како своевидно непочитување кон него.
На промотивниот плакат е Стефанос Циципас, моментално петтиот тенисер во светот, а како објаснување некои фанови понудија дека Гркот личи на модел и затоа беше интересно да го посочат одговорните за маркетинг.
Потегот на организаторите ги налути навивачите, кои одговорија со „преправање“ на плакатот со Ѓоковиќ наместо Циципас. Додека на социјалните мрежи се разговараше на оваа тема, треба да се земе предвид дека има уште многу до почетокот на турнирот и дека најверојатно на промотивни плакати во форма на најави како се приближува настанот ќе се најдат и други тенисери.
„Мислам дека Новак требаше да биде на фотографијата. Тој е актуелен шампион. Некои од нас се сеќаваат на тоа“, „Ова барем го потврдува учеството на Ролан Гарос во тениската политика која ги дели навивачите и играчите“, „Кратко потсетување. Најдобрата ноќна сесија која досега сте ја имале ги вклучива Ѓоковиќ и Надал. Не сум сигурен зошто го рекламирате овој човек”, “Потсетете се дека Новак Ѓоковиќ е шампион, а не Стефанос Циципас. Направете нови постери и транспаренти”, ” Карти ќе купам само ако игра Новак“, „Кој е тој? Се сеќавам само на шампионот“, се дел од коментарите на навивачите.
