Актуелниот договор на Бразилецот истекува летото следната година, а според информациите на францускиот Л’Екип, викендов треба да биде потпишан нов договор. Нејмар неодамна наполни 29 години, а според новиот договор ќе биде играч на ПСЖ до 2026 година и ќе заработува 30 милиони евра по сезона.Тоа е нешто помалку од претходните 35 милиони евра, кои ПСЖ во моментов му ги исплаќа, но новиот договор му гарантира уште пет години во Франција. Францускиот весник тврди дека новиот договор ќе вклучува огромен бонус во случај ПСЖ да ја освои Лигата на шампионите во тој период. Дека може да остане на „Паркот на принцовите” потврди и Нејмар на првата прес конференција во последните две години.„Јас сум многу среќен. “Се чувствувам подобро во ПСЖ отколку во претходните сезони. Поминав низ тешки периоди со некои луѓе, а овој клуб во меѓувреме порасна и се смени многу на подобро. Тие повеќе ме почитуваат, ПСЖ сега е меѓу четирите најсилни клубови во Европа “, рече тој. Нејмар.
