Вечерва се одржува осмиот протест „Србија против насилството“, а популарната пејачка Сека Алексиќ сега како и изминатите месеци се огласи на Твитер.
Во рамки на осмиот по ред протест „Србија против насилството“, граѓаните од 18 часот почнаа да се собираат на улиците на Белград, а освен во главниот град, протести се одржуваат и во други градови во Србија.
Како и досега, бројни јавни личности ги поддржаа протестите, меѓу нив најмногу актери, а поддршка од естрадата редовно испраќа и Сека Алексиќ.
Во претходните недели, пејачката користеше Твитер за да ги покани граѓаните да излезат на улиците на Белград.
Сега, во пресрет на осмиот протест, таа повторно се огласи на Твитер, каде на шега користеше вирални видеа на претседателот Александар Вучиќ и премиерката Ана Брнабиќ.
„Никој не ме ни прашува дали одам на одмор, бидејќи знаете дека не одам. Дали сум била на море – не сум, сакам ли да одам на море – нема“, изјави во една прилика Александар Вучиќ, а Сека Алексиќ го сподели ова видео и додаде:
„Буквално, пред секоја летна турнеја, тука сум 22 години.
Набргу потоа, Сека Алексиќ сподели видео од премиерката Ана Брнабиќ како вели: „Јас сум комбинација од несреќни околности“.
Алексиќ го сподели ова видео и напиша: „Кога треба да признаам дека нешто заебав“.
Да потсетиме, Сека Алексиќ претходните недели ги повикуваше граѓаните на протести, предвидувајќи добро време. Граѓаните со ентузијазам ја прифатија нејзината поддршка, а на претходната средба се појавија и транспаренти инспирирани од текстовите на нејзините песни.
