Фудбалерите на Вест Хем ја освоија Конференциската лига со победата од 2:1 над Фиорентина во Прага во финалниот натпревар од натпреварувањето.
Вест Хем го освои првиот трофеј во клупската историја по 1980 година и ФА Купот и тоа на драматичен начин: Лига конференцијата заврши со победа на лондонските „чекани“ над Фиорентина – во Прага финалето заврши со резултат од 2:1 кои ги постави Бувен во 90. минута. Пред овој трофеј, на евро-сцената, Вест Хем го имаше подигнато само пехарот од Купот на победниците на куповите во 1965 година, додека во 1999 година беше освојувач на Интертото купот со Јувентус и Монпеље и со нив отиде во Купот на УЕФА.
Каков финиш на натпреварот и каква ноќ за тренерот на „чеканите“ Дејвид Мојс, кој стана само вториот шкотски специјалист кој го освоил европскиот трофеј. Пред него тоа му успеа само на легендарниот Сер Алекс Фергусон.
Од самиот почеток на натпреварот беше јасно дека Фиорентина ќе ги диктира случувањата на теренот, додека Вест Хем беше фокусиран пред се на одбраната.
Сепак, „виолетовите“ не успеаа да добијат сериозна шанса, додека Деклан Рајс ја пропушти првата шанса во 13. минута кога топката помина покрај стативата, а првата голема шанса за Италијанците ја имаше Никола Миленковиќ, чиј удар со глава прелета преку голот во 26. минута
Недолго потоа имаше ужасни сцени, кога навивачите на Вест Хем го погодија Кристијан Бираги при обидот да изведе корнер и му ја скршија главата, па натпреварот беше прекинат на неколку минути додека крварењето беше запрено, а капитенот на Фиорентина успеа да продолжи со натпреварот.
Во финишот на првото полувреме Лука Јовиќ упати удар кон мрежата, но беше офсајд. Во таа прилика тој доби удар во главата, поради што мораше да ја напушти играта.
Во 57. минута Бираги направи голема грешка, играше со рака во шеснаесетникот на својот тим, после ВАР и прегледана видео снимка, судијата Карлос дел Серо Гранде покажа на белата точка, а Саид Бенрама за малку ќе ја скинеше мрежа со фантастичен шут за 1:0.
Пет минути подоцна Џакомо Бонавентура прими топка во шеснаесетникот на англискиот тим и успеа да упати удар, топката зафати еден од играчите на Вест Хем, а и Алфонс Ареола не реагираше баш најдобро, па на семафорот стоеше 1 :1.
Вест Хем повторно се фокусираше на одбраната, во нападот чекаше шанса од контранапад и ја доби во 90. минута, кога Пакета упати пас во просторот, а Џерод Бовен натрча пред Пјетро Тераќијан и ја погоди мрежата за 2: 1, па Вест Хем на тој начин стигна до третата европска титула во клупската историја.
Натпреварот се играше во сенка на скандалозното однесување на хулиганите, а над 30 навивачи на Фиорентина беа уапсени поради напад на навивачи на Вест Хем во главниот град на Чешка.
Вест Хем ќе игра во Лига Европа, а тоа ја спречи Фиорентина да стане вториот италијански клуб во низа што го освоил ова натпреварување, откако минатата сезона Рома го крена трофејот.
