Неверојатен беше и резервистот Брус Браун, а Нагетс сега имаат 3:1 во серија. По голема драма, Денвер Нагетс го совладаа тимот на Мајами Хит во четвртиот меч од финалето на НБА со 108:95.
Само уште еден чекор… Кон историјата, до вечноста, до титулата НБА шампион… Потребна е само уште една победа за прстенот на Денвер
Заслужено, без сомнение! За уште еден брејк, овој пат за водство од 3:1 ноќта помеѓу понеделник и вторник на нивни терен го крунисува сето добро што го направија во текот на сезоната и плеј-офот.
Никола Јокиќ одигра уште еден историски меч, направи нешто што никој досега не му успеал во плеј-офот, иако овојпат поради недостиг на асистенции пропушти трипл-дабл. Натпреварот го заврши со 23 поени, 12 скока и четири успешни додавања.
Гордон го влечеше тимот кога беше потребно, додека Браун со неверојатна серија го реши мечот во последниот дел.
Дабл-дабл учинок од 15 поени и 12 асистенции оствари и Џамал Мареј, додека „х фактор“ со 27 поени овојпат беше неверојатниот Арон Гордон кој ја заврши целата работа кога Јокиќ беше на клупата. Србинот овој меч беше почесто од вообичаено надвор од теренот. Прво во првиот дел поради повреда, па во последниот дел поради пет лични грешки.
За одбележување е и врвната партија на Брус Браун кој беше неверојатен во последната четвртина, а на крајот имаше учинок од 21 поен. Одлично го замени Јокиќ, кој не постигна кош во последната четвртина.
Џими Батлер со 25 беше најдобар во редовите на Мајами, Адебајо постигна 20 и имаше 11 скока.
За разлика од првите три натпревари, овој четврти започна тешко и по 10 минути имавме само 26 поени на двете страни. Денвер потоа водеше со 15:11, а по тројката на Брус Браун отиде на +7 (18:11).
Сепак, Мајами тргна во брза серија и веднаш израмни на 18:18, пред Јокиќ да направи две уфрлања. Сепак, домашните отидоа со водство уште на првата пауза бидејќи Батлер погоди тројка на звукот на сиренат21:20.
Денвер, инаку, половина од првиот дел го мина во страв од ситуацијата со Јокиќ, бидејќи Србинот во еден момент го шина скочниот зглоб. Затоа на полувремето мораше да оди во соблекувална и не ги одигра првите пет минути од втората четвртина. Имаше и мраз на ногата.
Од друга страна, неговото отсуство не се виде на паркетот бидејќи Гордон беше одличен. Постигна осум поени (две тројки), а во втората четвртина постигна дури 15 поени (само еден во првата).
Одбраната беше на највисоко ниво и тоа беше еден од клучевите за победата. Победата ја потврди Брус Браун со неверојатна серија, кој постигна 11 поени во последните пет минути од натпреварот.
Мајами немаше решенија во нападот и со негатива од 3-1 ќе мора да се врати во Денвер, каде ноќта меѓу недела и понеделник од 2 часот ќе игра за спас во финалето на НБА.
