Кошаркарите на Денвер Нагетс по голем пресврт го совладаа Лос Анџелес Лејкерс со 113:111, со што постигнаа историски успех и за првпат во историјата на франшизата влегоа во финалето на НБА.
Српскиот кошаркар Никола Јокиќ повторно беше најдобар играч на својот тим, а на овој меч имаше учинок од 30 поени, 14 скока и 13 асистенции.
Тоа беше и негов осми трипл-дабл, соборувајќи го рекордот на Вилт Чембрлен за најмногу трипл-дабл во еден плеј-оф.
Вилт Чембрлен во 1967 година во плејофот оствари седум трипл-дабл, додека српскиот ас успеа да го собори тој рекорд со нереална партија.
По големиот триумф, новинарите го прашаа Јокиќ за многу работи, а една од нив беше поврзана со наградата МВП. Јокиќ беше прогласен за најкорисен играч на Западната конференција, а новинарите ги интересираше дали мисли дека е оштетен во изборот за глава и дали Ембид ја заслужил таа награда.
„Веќе не размислувам за тоа. Луѓето мислат и велат дека Ембиид не требало да го добие, но јас не мислам така. Мислам дека го заслужи тоа. Ако гледавте, тој играше моќна кошарка во текот на целата сезона и мислам дека одигра неверојатно на секој натпревар што го играше“, изјави Јокиќ.
