Не содржи глутен, полн е со витамини и минерали важни за организмот
„Нема богатство подобро од физичкото здравје и нема поголема радост од радоста на срцето.“ – рекол мудриот крал Соломон. Нашето здравје е драгоцено, а за да го зачуваме, важно е да се потсетиме на тоа дека голем дел од нашето здравје доаѓа од храната која ја конзумираме и на некои одлични намирници богати со важни хранливи материи.
Просото е житарка на која многумина заборавиле, а неговите здравствени придобивки се многубројни. Додека во јадењата при изборот на здрави житарки првенствено користиме ориз и хељ, просото може да се користи за правење разни слатки и солени јадења. Просото првично се користело во Етиопија пред околу 10.000 години, а ова зрно можело да се најде и на трпезата на старите Кинези.
Содржи бројни витамини и минерали, а од витамините важни за убавината – се издвојуваат А и Е (инаку познати како ретинол ацетат и токоферол ацетат). Затоа просото се користи и во служба на убавината, односно внатрешната нега, бидејќи овие два витамини се важни за цврсти нокти, коса и го забавуваат процесот на стареење. Просото има и антиоксидативно дејство и го намалува негативното влијание на слободните радикали. Богат е и со витамин Б, кој е важен за одржување на функционирањето на мозокот, но и за кардиоваскуларниот систем и процесот на варење на храната.
Од минералите во производот, најважен е магнезиумот – околу 83 mg на 100 грама просо, што се смета за 21% од дневните потреби. Заедно со витамините од Б групата, магнезиумот помага во функционирањето на кардиоваскуларниот систем, а исто така му помага на нашето тело да биде енергично и активно, но и ги намалува непријатните мускулни грчеви. Дополнителна предност на просото е тоа што не содржи глутен, па може да го јадат оние кои се чувствителни на глутен или имаат целијачна болест.
Просото е класифицирано како сложен јаглехидрат, кој не предизвикува ненадеен скок на шеќерот во крвта и помага да останете сити подолго време, што го прави одлична храна во многу диети. Истражувањето на американските научници покажува дека просото може да придонесе за намалување на ризикот од дијабетес тип 2 (истражување објавено во списанието Frontiers in Nutrition). Друга предност на оваа житарка е намалувањето на надуеноста и стимулирање на варењето на храната. Сепак, важно е да не се претера бидејќи просото во големи количини може да предизвика потешкотии во функционирањето на дебелото црево. Но, во умерени количини, тоа е одлична храна. Во исто време, просото има благо диуретично дејство, кое ги отстранува солите од бубрезите и го намалува ризикот од појава на камења.
Што се може да направите од просо:
Секако, просото главно се користи за правење каша во комбинација со свежо и суво овошје (сливи, суви кајсии), бобинки, а одлично оди и со јаткасти плодови и тиква. Добар избор за појадок е затоа што заситува и ќе ви ја намали потребата да грицкате нездрави грицки и слатки помеѓу оброците.
