Фудбалерите на Ливерпул остварија исклучително важна победа на гостувањето против Вест Бромвич Албион со 2: 1, а херој на натпреварот беше бразилскиот голман Алисон Бекер.Голманот на Ливерпул постигна гол во 95. минута за победа на „црвените“ и се надева дека ќе можат да ја завршат сезоната на местото што води во Лигата на шампионите.Бекер постигна гол во петтата минута од продолженијата, кога ја испрати топката во мрежата по еден корнер.После мечот, емоциите го совладаа одличниот Бразилец.
“Сакав да бидам во шеснаесетникот за да им помогнам на моите соиграчи и да навлечам барем еден дефанзивец. Сепак, никој не ме чуваше и се случи тоа што се случи. Навистина необјасниво, но мислам дека беше Господ тој што стави рака на мојата глава. Се чувствувам благословено “, рече Алисон по мечот.
Голманот на „црвените“ оваа сезона минуваше низ исклучително тешки моменти. Тој го загуби својот татко во февруари и тоа значително влијаеше на неговата игра.”Јас сум полн со емоции, после сè што се случи со моето семејство и мене. Фудбалот е мојот живот, бидејќи откако знам за себе го играв со татко ми. Се надевам дека тој можеше да го види ова. Сигурен сум дека тој слави со Бога сега “, додаде емотивниот Бразилец.
