Симона Халеп, една од главните фаворити за титулата на УС Опен, го заврши натпреварувањето веќе во првото коло, бидејќи од неа подобра беше Дарија Снигур од Украина, со резултат 6: 2, 0:6, 6:4 , која до главниот ждреб стигна преку квалификациите.
Халеп, инаку осмата тенисерка на планетата, веќе во почетните моменти од мечот се најде во голем проблем, откако 124. тенисерка на светот го отвори мечот со брејк, па во третиот гем имаше дури пет брејк топки и стигна до 3:0. Халеп успеа да врати еден брејк во следниот гем, но Украинката возврати во петтиот, поведе со 4:1 и го задржа до крајот на првиот дел од играта за 6:2.
Во вториот се виде апсолутна доминација на Халеп која на ривалката и дозволи само шест поени за целиот сет – три брејка, 6:0 и се чинеше како сигурен пресврт.
Но, почетокот на третиот сет донесе нов шок. Најпрво Снигур направи брејк, а потоа ја спречи ривалката да израмни, а уште еднаш успеа на ист начин со брејк во петтиот гем и спасена брејк шанса во шестиот.
Халеп успеа да се врати во мечот во осмиот гем, потоа спаси две меч топки и дојде до 5:4, но 20-годишната Украинка одигра најдобро што можеше, по 30-0 за Халеп направи пресврт. и третата меч топка, а првата на нејзин сервис ја претвори во најголема победа во досегашната кариера.
