Туршијата е еден од најстарите начини за зачувување на храната, а самиот процес првпат е забележан во Индија пред 4000-5000 години.
Традиционалниот источен начин на правење туршија вклучува состојки како сол, масло, чили во прав и зачини. Постојат древни записи за нејзините нутритивни придобивки, а Клеопатра наводно тврдела дека киселиот зеленчук придонел за нејзината убавина. Туршијата се спомнуваат и во Библијата и во некои дела на Шекспир. Сега е вистинското време да ja направите, а зеленчук или овошје можете да изберете по ваш вкус. Најмногу се користат краставички, карфиол, пиперки, моркови, но се е прашање на вкус. Можете да ja користите како мезе бидејќи е одлично предјадење, но и како салата или прилог со месо.
Компоненти:
2 кг карфиол
2 кг пиперка
2 кг моркови
2 кг корнишони
2 кг зелени домати
2-3 лути пиперки
1 китка магдонос
1 китка целер
зрна бибер
Киселина:
10 литри вода
500 гр сол
250 гр шеќер
200 ml есенција
10 гр винобран
Подготовка:
Зеленчукот убаво измијте го и исечете го по желба. Краставицата (корнишоните) оставете ги цели. Во стерилизирана тегла наредете карфиол, пиперка, морков, краставица, домат, магдонос и целер. Редете така додека не ги наполните теглите. Посипете со зрна бибер. Над неа ставете бела пластична снегулка (го штити зеленчукот да не исплива од течноста). Истурете вода во тенџере, а потоа додадете сол, шеќер, есенција, и винобран. Измешајте сè, па оставете го да отстои неколку часа за убаво да се соединат состојките. Се прелива така што течноста убаво го покрие зеленчукот. Оставете да отстои 20-30 дена, и ќе имате прекрасна туршија полна здравје.
