На Вања Кнежевиќ, која беше дисквалификувана од натпреварувањето „Ѕвезде Гранда“ поради конфликт со жирито, и помогна балканската ѕвезда Светлана Цеца Ражнатовиќ да ја сними својата прва песна.
Кнежевиќ не крие колку и е благодарна на Цеца за помошта и поддршката што ја имаше од неа во најтешките моменти, но потенцира дека не сака да биде како балканска дива, туку дека сака да најде свој правец во музиката .
“Немав можност да ја запознаам Цеца, но се слушнавме преку пораки. Јас сум многу благодарна за тоа што ми даде таква можност во животот и уште еднаш покажа колку голем човек е таа”, изјави таа за “Свет” додавајќи:
„Се воодушевувам на нејзината кариера, но не сакам да бидам како Цеца или Анастасија, тие се одлични, но сакам да најдам своја насока, мислам дека сите треба да бидат единствени“.
