Заедничкиот регионален пазар на Западен Балкан не само што ќе придонесе за отстранување на пречките за регионалната економија, туку исто така ќе ја забрза интеграцијата на регионот во Европската унија, изјави еврокомесарот за проширување Оливер Вархелџи.
Во обраќањето на Виенскиот економски форум (ВЕФ), тој рече дека заедничкиот регионален пазар, заснован на стандардите на ЕУ, кој е воспоставен, има огромен потенцијал.
„Ова се важни мерки што ќе ја олеснат трговијата, но исто така и слободата на движење на граѓаните, стоките, услугите, заемното признавање на сертификатите, дипломите … Сето ова придонесува за зголемување на привлечноста на регионот за инвеститорите и ќе ја забрза интеграцијата на регионот во ЕУ “, рече тој.
„Во некои сектори, ние би сакале Западен Балкан да учествува дури и пред земјите да станат членки“, нагласи европскиот комесар. Вархелџи рече дека Западен Балкан и ЕУ се веќе длабоко економски поврзани, додавајќи дека тој дури би рекол дека тие се интегрирани. Во таа насока, тој потсети дека минатата година, 68 отсто од трговијата на регионот била со ЕУ, како и дека ЕУ е извор на повеќе од 60 отсто странски директни инвестиции на Западен Балкан. Со цел да се надмине кризата предизвикана од пандемијата на коронавирусите, потсети тој,
Унијата усвои план за инвестиции за обновување на Западен Балкан, направен според сопствената стратегија за стимулирање на растот.
