Војна во Украина – 640 ден.
Украинскиот претседател Володимир Зеленски изјави дека Москва мора да плати со својот имот за агресијата врз неговата земја. Поради ненадејниот прилив на мигранти, Финска ги затвора речиси сите гранични премини со Русија. Од друга страна, Русија оценува дека пристапувањето на Молдавија кон санкциите на ЕУ е „непријателски чекор“.
Во Украина продолжуваат борбите. Генералштабот на Украина тврди дека руските војници, поддржани од авијацијата, не се откажуваат од обидот да ја опколат Авдеевка, туку дека украинските војници ја држат линијата на одбраната.
Серија експлозии во Киев, воздушна опасност во неколку региони на Украина
Серија експлозии се случија серија експлозии, јавија украинските медиуми.
Шефот на градската воена управа Сергеј Попко соопшти дека пожарот избувнал во нестанбена зграда.
Воздушно предупредување е издадено во повеќе региони – Киев, Черкаси, Чернихив, Суми, Харков, Полтава, Днепропетровск, Николаев, Кировоград и Керсон, пренесува Униан.
Тие наведуваат дека украинската противвоздушна одбрана работи, а властите апелираат граѓаните да се засолнат на безбедни места.
Кличко: Две лица се повредени во нападот со руски дрон врз Киев
Неколку делови на Киев утринава беа цел на масовен напад со беспилотни летала, изјави очевидец, а градоначалникот Виталиј Кличко објави дека две лица се повредени кога фрагменти од соборените дронови паднале врз станбени згради.
Кличко на својот канал Телеграм напиша дека фрагменти од пресретнати дронови предизвикале пожар во градинка, пренесува Ројтерс.
Русија против Европа
Данска најави дека ќе испрати дополнителни 336 милиони долари помош за Украина, додека Германија го продолжи статусот на заштита на украинските бегалци до март 2025 година.
Претседателот на Украина, Володимир Зеленски, пак, изјави дека Русија мора да плати за агресијата врз таа земја, како и дека конфискуваните средства мора да бидат насочени кон обнова на украинската држава по војната.
Русија доби нова серија ловци Су-35, кои се дизајнирани да уништуваат воздушни, копнени и водени цели. Во исто време, руското Министерство за одбрана соопшти дека екипажот на Т-50 се подготвува за нови битки во „зоната за специјална операција“.
Министерството за надворешни работи на Русија посочи дека ќе одговори на приклучувањето на Молдавија кон санкциите на ЕУ, оценувајќи дека тоа е „непријателски чекор“.
Во меѓувреме, Финска објави дека ќе затвори седум од осумте гранични премини со Русија поради ненадеен прилив на мигранти, за што ја обвинува Русија.
Уништен магацин на украинската армија
Со употреба на беспилотни летала „Орлан-10“ и хаубици „Мста-Б“, руските десантни сили го уништија магацинот на украинската армија и командниот центар на правецот Артјомив, пренесе Спутник.
Путин потпиша указ за одликување на новинар
Рускиот претседател Владимир Путин потпиша указ за постхумно оддавање почит на новинарот на ТВ „Русија 24“ Борис Максудов за храброст.
Да потсетиме, Максудов беше ранет во близина на Запорожје и почина пред неколку дена од последиците од раните.
