Во тинејџерските години најчесто идоли ни се славните личности, па многу често се повторува тоа што тие го направиле. Естетските корекции се многу чести но никој, или многу ретко некој зборува за ризикот од нив, и за тоа кога ке поминат тие години дали навистина сме имале потреба од тоа и дали тоа е тоа што го сакаме и како да изгледаме.
Пејачката Николија Јовановиќ штотуку во видео на ТикТок проговори за естетски зафати, а тоа нејзино видео привлече големо внимание.
А што вели Николија за корекции на лицето?
За почеток ги замолува сите да не го злоупотребуваат тоа нејзино видео и да не коментираат дали е убава или грда бидејќи тоа не е темата. Како што вели, сакала само со сите да сподели како се чувствува за козметичките корекции.
„Сакам да кажам за што се каам, за што не. Првото нешто што го направив беа градите. Имав многу голем комплекс затоа што бев рамна како даска. И таа операција ми помогна да се чувствувам добро со моето тело во моите дваесетти. Но, сега во моите триесетти, никогаш не би правела силикони и, кога би можела да се вратам во минатото, никогаш не би ја направила таа операција бидејќи мислам дека природните гради се најубави, а имплантите се непотребни. Мене малите гради ми се поубави од поголемите и мислам дека на оваа возраст би имала совршена самодоверба доколку градите би останале такви какви што се. Поправката би оставила многу лузни, но можам слободно да кажам дека се каам“, признава Николија.
Освен градите, таа имаше и други корекции на телото, а меѓу другото раскажа што правела со усните.
„Другата глупост што ја направив и за среќа ја поправивколу што е можно беа усните. Како дете, ставав метакрилат во мојата прекрасна, прекрасна уста поради некоја глупава мода. Со текот на времето, тоа стана искривено и изгледав како патка. Минатата година хируршки го извадив целиот тој вештачки материјал од мојата уста и сега е речиси исто толку природен како што беше“.
Така, Николија е една од ретките кои јавно детално открија што корегирале кај себе, но и за што жалат и каков однос имаат денес кон природните убавини.
