Владата на Македонија ги укина сите рестриктивни антиковид мерки освен задолжителната употреба на заштитни маски во здравствените установи, аптеките и установите за згрижување на возрасни и лица со посебни потреби. Како што беше соопштено, Владата на тој начин ги прифати сите предлози на својот главен координативен кризен штаб, кои беа утврдени според препораките на Комисијата за заразни болести.
Истовремено со укинувањето на рестриктивните антиковид мерки, Владата ги потврди препораките за почитување и практикување на основните превентивни мерки за заштита.
Станува збор за „негрупирање“ и одржување на физичка дистанца, употреба на заштитни маски на јавни места, особено во затворени простории каде што нема можност за физичка дистанца, редовно одржување на лична хигиена, вентилација на внатрешните простори и домашна самоизолација за симптоми на респираторни заболувања. .
„Согласно заклучоците од денешната седница, се препорачува здравствените домови да ја интензивираат теренската вакцинација на лицата над 80 години поради слабиот опфат на таа возрасна група со имунизација, како и да продолжат со вакцинирање на здравствените работници“, се вели во соопштението од Владата.
