Доколку Хогвортс одат студентите на кои хормони им дивеат, сигурни сме дека тоа би изгледало како факултетот кој го посетуваат главните ликови во новата серија „Сексуалните животи на девојките од колеџ“.
Серијата потекнува од генијалноста на комичарката Минди Калинг, која пишуваше за SNL, но и за генијалниот ситком The Office, во кој играше и таа, а стои зад сериите „The Mindy Project“ и „Never Have I Ever“.
Насловот прилично го открива заплетот на серијата – се следат 4 студентки, кои пристигнуваат на колеџот и почнуваат да се откриваат себеси и својот сексуален живот.
Четирите девојки се од исклучително различно потекло, но тие стануваат цимери во ценетиот и живописен колеџ Есекс.
Бела го замислува колеџот како место каде конечно ќе го истражува сексот откако ќе порасне во конзервативно домаќинство; Кимберли доаѓа од мал град и не се дружела премногу; Лејтон изгледа има се во животот, но крие голема тајна; а Витни е фудбалска ѕвезда која мора да ги балансира очекувањата поставени од нејзината мајка сенаторка.
Првата сезона од серијата има вкупно 10 епизоди, од кои сите се достапни на стриминг сервисот HBO Max.
Засега не е познато дали серијата ќе има втора сезона.
