Премногу висцерални масти може да доведе до голем број здравствени проблеми. Ако имате премногу од овој тип на масти, кои се наоѓаат околу вашите внатрешни органи, можете да го зголемите ризикот од висок крвен притисок, дијабетес и кардиоваскуларни болести. Диетата е еден начин за намалување на висцералните масти.
Урамнотежениот појадок ви помага да изгубите тежина, бидејќи го забрзува метаболизмот – но ако сакате да ги намалите мастите од стомакот, ќе треба да се храните здраво во текот на денот, а не само за појадок.
За да го започнете денот на здрав начин, погледнете ја листата на најдобрите намирници за појадок кои можете да ги јадете за да го намалите салото на стомакот, пишува Eat this.
Овесна каша
Овесната каша е поврзана со многу здравствени придобивки, како што се стабилизирање на шеќерот во крвта, намалување на нивото на холестерол, намалување на ризикот од хронични болести.
Најголем дел од придобивките од овесната каша може да се припише на високата содржина на растворливи влакна, кои се клучна хранлива материја за губење на тежината. Всушност, една студија од American Journal of Clinical Nutrition покажува дека внесот на растворливи влакна е особено поврзан со мастите во долниот дел на стомакот.
Бадеми и јаткасти плодови
Бадемите и другите јаткасти плодови можат да бидат одличен начин за намалување на салото на стомакот. Јаткастите плодови се одличен извор на растителни протеини и здрави масти, како што се омега-3 масните киселини.
Овие киселини можат да помогнат во регулирањето на шеќерот во крвта и инсулинот, што е важно за намалување на салото на стомакот. Ако не сакате бадеми, оревите се уште еден вид јаткасти плодови со висока содржина на омега-3.
Овошје
Овошјето е одлична храна што можете да ја додадете во појадокот за да ви помогне да го намалите салото на стомакот. Тоа помага да се потисне желбата за шеќер во текот на денот и може да ве држи сити долго време – поради содржината на влакна.
Специфичното овошје, како што се јагодите и боровинките, содржат флавоноиди, за кои е познато дека помагаат при слабеење.
Важно е да го заокружите појадокот и да вклучите некои протеини и здрави масти со овошје ако е можно. Можете да направите сад од овесна каша и да вклучите овошје со вашиот омилен путер од јаткасти плодови, или можете да направите омлет и да изедете чаша овошје.
Ферментирана храна
Ферментираната храна доаѓа во многу форми како јогурт, кисела зелка или кефир и е полна со добри бактерии кои го одржуваат здравјето на цревата.
Истражувањата покажуваат дека конзумирањето на ферментирана храна може да ги намали висцералните маснотии, особено во пределот на стомакот. За најдобар ферментиран појадок, започнете со сад со јогурт прелиен со овошје, јаткасти плодови и семки.
