Малта вакцинираше 70 отсто од возрасната популација со најмалку една доза вакцина ковид-19, што ја прави првата земја на Европската унија што постигна колективен имунитет, изјави денеска министерот за здравство Крис Фин.
Малиот медитерански остров имал просечно по три нови случаи на вирус секој ден во текот на изминатата недела, со 0,2 проценти позитивни тестови. Денес се пријавени два нови случаи, според Ројтерс.
„Една вакцина треба да се дава на секои пет секунди“, рече Ферн на прес-конференција, додавајќи дека 42 отсто од возрасната популација примиле две дози, пренесува агенцијата.
Во моментов, сите жители на Малта постари од 16 години можат да се вакцинираат, а Ферн рече дека и деца на возраст од 12 години и нагоре ќе бидат вакцинирани кога европските медицински власти ќе дадат зелено светло.
Тој исто така најави дека задолжителното носење маски на отворено ќе биде укинато на први јули за вакцинираните лица.
Здравствените власти претходно објавија дека носењето маски веќе нема да биде задолжително на плажите од први јуни, пренесува Танјуг.
Ограничувањата за спортски сали и базени се укинати денес, а работното време на рестораните, кои порано работеа до 17 часот, беше продолжено до полноќ.
