Телевизискиот канал Ал Арабија не прецизираше во кои земји се одвиваат зголемените воени активности
Подготовките за потенцијална воена операција против воената хунта во Нигер може да се видат на воените аеродроми на земјите членки на Економската заедница на западноафриканските држави (ЕКОВАС), објави телевизијата Ал Арабија, повикувајќи се на добро информирани извори.
Телевизискиот канал не прецизираше во кои земји се одвиваат зголемените воени активности, пренесе ТАСС.
Воената хунта во Нигер го собори избраниот претседател Мохамед Базум на крајот на јули, а беше формиран Националниот совет за заштита на татковината, на чело со шефот на претседателската гарда, Абдурахман Тијани, да управува со земјата по воениот удар од 26 јули.
Водачите на земјите-членки на ЕКОВАС воведоа остри санкции против бунтовниците, барајќи ослободување на Базум и заканувајќи се со употреба на воена сила.
Комесарот за мир и безбедност на ЕКОВАС, Абдел-Фату Муса, на 18 август, по состанокот на началниците на Генералштабот на земјите-членки на организацијата, изјави дека е одреден датум за воена интервенција во Нигер, но тој датум се уште не е официјално објавен.
