Во текот на вчерашниот ден на подрачјето на Бит Пазар од страна на полициски службеници од СВР Скопје биле лишени од слобода 15 лица, меѓу кои и еден малолетник, информираат од МВР.
Како што соопштуваат од Министерството биле затекнати како гости при извршена контрола од страна на инспектори од Државен пазарен инспекторат, во содејство со полициски службеници во угостителски објект на ул.„Џон Кенеди“, кој работел после пропишаното работно време.
Од страна на ДПИ објектот е запечатен со пломба и затворен и, а против лицата ќе биде поднесена кривична пријава по член 206 од Кривичниот законик.
