Познато е дека вазелинот ја задржува влагата и продира длабоко под површинскиот слој на кожата, со што ја прави помека. Вазелинот можете да го користите на неколку начини преку ноќ, а следното утро резултатот ќе ве воодушеви.
Мека кожа
Доколку имате екстремно сува кожа, тогаш вазелинот е еден од најдобрите производи за омекнување и заздравување преку ноќ. Вазелинот е некомедоген – не ги затнува порите, па затоа е безбеден за употреба на кожата.
Нежни усни
Најдобар начин да го користите вазелинот за да ги измазните сувите испукани усни е да го измешате со мед. Измешајте една лажичка суров мед со една кафена лажичка вазелин. Добро измешајте и нанесете голема количина на усните пред спиење. Следното утро, вашите усни ќе бидат целосно обновени.
Јаки нокти
За да го направите најдобриот серум за нокти за негување на кутикулите и зајакнување на ноктите, користете вазелин со масло од јојоба. Измешајте една лажица масло од јојоба со една лажица вазелин. Добро измешајте, а потоа нанесете мала количина на кутикулите и масирајте пред спиење. Маслото од јојоба е едно од најдобрите масла за природен раст на ноктите, додека вазелинот од нафта ги одржува вашите кутикули здрави.
Подебели трепки
Вазелинот помага да се негуваат трепките и да се направат подолги и погусти. Земете чисто стапче за маскара и потопете го во тегла со вазелин. Лесно премачкајте ги трепките со вазелин за да ги нахраните преку ноќ.
Мазни нозе и раце
Измешајте една лажичка вазелин со две лажички гел од алое вера. Добро измешајте додека вазелинот не се соедини со гелот од алое вера. Нанесете дебел слој под стапалата, а потоа облечете дебели чорапи.
Посветли подочњаци
Осветлете ги темните кругови под очите користејќи вазелин како третман за ноќевање. Помешајте мала количина куркума со вазелин, нанесете ја смесата под и околу очите, а потоа нежно измасирајте ја. Ова ќе помогне не само во осветлувањето, туку и во борбата против брчките.
