Има ли некој што не го пробал овој одличен и пред се здрав напиток?
ДАЛИ ЛИМОНАДАТА Е ЗДРАВ ПИЈАЛОК?
За да ги искористите сите придобивки од овој напиток, потрудете се и направете си лимонада дома. Пијалоците достапни во продавниците му прават повеќе штета отколку добро на вашето тело. Домашната лимонада, пак, позитивно влијае на вашето здравје и ви ја обезбедува потребната енергија.
Исто така, денес зборот „лимонада“ ги вклучува сите засладени пијалоци кои содржат сок од лимон. Во светот постојат многу рецепти и варијации на лимонада, како што се розова лимонада, лимета, портокалова, цреша, лимонада помешана со мед или газирана вода и многу други. Дури и алкохолните пијалоци со состојката сок од лимон спаѓаат под иста гранка, поточно, „тешки лимонади“. Токму поради оваа причина, најдобро е сами да го направите овој здрав напиток.
Кога правите лимонада се што ви треба е лимон и вода. Исцедете го лимонот и додадете вода и толку. Секој додаток како шеќер или засладувачи само го претвора овој здрав пијалок во помалку здрав, а понекогаш и штетен.
КАКО ЛИМОНОТ И ЛИМОНАДАТА ВЛИЈААТ НА ЗДРАВЈЕТО
Покрај тоа што лимонот е силен антиоксиданс и е одличен во борбата против слободните радикали, истражувањата покажаа дека консумирањето сок од лимон помешано со многу поголема количина на вода (околу 2 литри), доведува до намалување на можност за појава на камења во бубрезите, благодарение на цитрусната киселина од лимонот.
Пиењето лимонада е одличен начин за чистење на вашето тело и зајакнување на неговите природни одбранбени механизми (имунитет). Лимонадата е богата и со калиум, кој е многу важен за здравјето на кардиоваскуларниот систем и функциите на мозокот.
Овој освежителен пијалок е богат со витамин Ц, железо, магнезиум, калциум и антиоксиданси. И покрај тоа што е кисел, лимонот го алкализира вашето тело и помага да се врати рамнотежата на pH.
НУТРИНАТИВЕН СОСТАВ НА ЛИМОНАДАТА
Една чаша лимонада (чаша од 2 dcl), без присуство на шеќер, има околу 80 kcal, има околу 20 грама јаглени хидрати, многу малку протеини (помалку од 1 грам) и незначителна количина на масти (помалку од 0,05 грама) . Секогаш кога додаваме обичен шеќер за јадење (сахароза), ја зголемуваме енергетската вредност на лимонадата. Значи, доколку барате вкусен освежителен пијалок кој е добар за вашето здравје, чистата лимонада, без додаден шеќер или други засладувачи, е вистинскиот избор, особено во топлите летни денови кога навистина ни е потребно освежување.
Ако неможете без засладувач тогаш користете мед.
