Француската морнарица пресретна товарен брод во Ла Манш, кој одел кон рускиот град Санкт Петербург. Француските власти за Би-Би-Си изјавија дека бродот е пресретнат во согласност со новите санкции на ЕУ и рекоа дека е пренасочен кон северното пристаниште Булоњ-сур-Мер.
Бродот заробен во Ла Манш не припаѓа на PSB Leasing, кој потпадна под санкциите
Рускиот трговски брод што го пресретнаа француските власти во Ла Манш не припаѓа на PSB Leasing, кој потпадна под санкциите, тој беше откупен пред санкциите, соопштија за РИА Новости во прес-службата на Promsvyazbank.
„Руски товарен брод долг 127 метри наречен „Балтички лидер“, кој превезувал автомобили, бил пресретнат од француската морнарица во текот на ноќта во Ла Манш и придружуван до пристаништето Булоњ-сур-Мер во северна Франција“, кажа.
Тој беше одведен во француско пристаниште на барање на француската влада бидејќи е осомничен дека припаѓа на компанија која е цел на санкциите на ЕУ против Москва. Француските гранични сили во моментов го истражуваат товарниот брод. Екипажот на „Балтичкиот лидер“ соработувал со француските власти.
Руската амбасада во Франција бара објаснувања од француските власти за заплената, јави руската новинска агенција РИА.
