Фернандо Вилавиченсио, кандидат за претседател на Еквадор, беше убиен во обид за атентат на предизборен митинг во Кито во средата.
Виљависенсио бил заменик во собранието, а бил убиен кога влегувал во автомобилот со кој требало да се оддалечи од местото на состанокот, јавува Би-Би-Си.
Еден член од неговиот изборен штаб за локалните медиуми изјавил дека „Вилависенсио влегувал во својот автомобил кога напаѓачот му пришол и го застрелал во главата“.
Актуелниот претседател на Еквадор, Гилермо Ласо изјави дека „ова злосторство нема да остане неказнето“.
Очевидци тврдат дека Вилависенсио (59) бил застрелан три пати. Во престрелката што следела бил ранет и осомничениот за атентатот, а подоцна починал од повредите.
Првиот круг од претседателските избори во Еквадор треба да се одржи на 20 август.
Претседателот Ласо, кој нема да се кандидира за функцијата, рече дека е „шокиран“ од убиството и додаде дека „организираниот криминал многу напредувал, но целата тежина на законот ќе падне врз него“.
Неодамнешниот пораст на насилниот криминал, поттикнат од зголеменото присуство на нарко-картели во Еквадор, е централна тема во овогодинешната изборна кампања.
Минатиот месец, претседателот Ласо прогласи вонредна состојба и полициски час во три провинции, по убиствата поврзани со организираниот криминал.
Покрај безбедноста на граѓаните, кампањата на Вилавиченсија беше насочена и кон борбата против корупцијата, со која се занимаваше и како новинар, но и на борбата за намалување на уништувањето на животната средина.
Седиштето на Вилависенсио минатата недела објави дека тој и членовите на тимот добиле закани од водачот на банда за шверц на дрога.
Вилавиченсио беше еден од 8-те кандидати во првиот круг од изборите, но тој не беше лидер, според анкетите на јавното мислење.
Агустин Интриаго, градоначалник на градот Манта, беше убиен во Еквадор во јули, а Омар Менендез, кандидат за градоначалник на градот Пуерто Лопез, беше убиен во февруари.
Другите претседателски кандидати изразија сочувство до семејството Вилавиченсио.
