Уништени куќи и пукнатини на стоечките згради: вака изгледа Маракеш, кој се наоѓа на 80 километри од епицентарот, по силен земјотрес.
Според последните податоци, како последица на земјотресите во саботата вечерта во Мароко загинале 2.681 лица, а уште 2.5011 се повредени.Медиумите пишуваат дека за 48 часа во регионот имало најмалку 20 последователни потреси.
„Сега спијам на улица затоа што немам ништо, дури ни пари, да изнајмувам место за живеење. Сè остана овде во куќата“, забележа еден од локалните жители во разговор со дописникот на RT Каусар Кабуш.
Бројот на жртвите од најсилниот земјотрес во Мароко во изминатите шест децении денеска се приближи до 2.700, а спасувачите се тркаат со времето додека се обидуваат да најдат преживеани во урнатините.
Тимовите за пребарување од Шпанија, Велика Британија и Катар се приклучија на спасувачките напори на Мароко откако земјотресот со јачина од 6,8 степени според Рихтер ги погоди планините Високиот Атлас, со епицентар на 72 километри југозападно од Маракеш.
Спасувачите предупредија дека традиционалните куќи од тули од кал се широко расфрлани во регионот, намалувајќи ги шансите да се најдат преживеани бидејќи структурите се уриваат.
– Нивото на уништување е апсолутно – изјави шпанскиот спасител Антонио Ногалес опишувајќи ја ситуацијата во селото Ими Н’Тала.
Тој рече дека тука „ниту една куќа не останала да стои“ и дека неговиот тим ќе започне потрага со помош на кучиња и ќе види дали е можно да се најде некој жив, пишува Ројтерс.
Преживеаните рекоа дека првичната реакција од властите била бавна, но се чини дека напорите за пребарување и спасување се зголемуваат денеска.
