Трагедијата што се случи на Камчатка, кога тројца млади Руси загинаа во хеликоптерска несреќа, доби уште погрозоморно продолжение со оглед на тоа што нивните тела беа искинати и изедени од мечки.
Животот во оваа несреќа ја загуби Зоја Кајгородова, организаторката на патувањето, потоа шефот на компанијата за мобилни телефони Сергеј Колесњак, но и петкратниот светски шампион во биатлон, Игор Малиновски, 25-годишник кој управуваше со авионот.
Хеликоптерот ја изгубил комуникацијата поради лошите временски услови, а се претпоставува дека тоа е главната причина за падот. Спасувачите ги пронашле остатоците еден ден подоцна, но немало тела на жртви покрај авионот.
Руските медиуми јавуваат дека се пронајдени малку подоцна, а се верува дека кафеавите мечки кои во голем број ја населуваат Камчатка ги влечеле, ги распарчиле и ги изеле.
Кое беше момчето чија смрт го оплакува целиот спортски свет?
Роден во 1997 година во градот Милково на Камчатка, тој започна со биатлон како момче, а резултатите покажаа дека е исклучително талентиран, бидејќи во јуниорска конкуренција освои дури пет трофеи од најдобрите во светот, од кои три во 2017 и 2018. година, и важеше за една од најголемите млади надежи на светскиот биатлон, па веќе на 20 години доби шанса да се испроба во сениорска конкуренција, што е реткост за биатлон.
Сепак, и покрај огромниот талент, тој не успеа да направи пробив, па како одминуваше времето се помалку се интересираше за овој спорт, а на почетокот на пандемијата на коронавирус реши да стави крај на кариерата и да се посвети на летање, бидејќи студирал на Техничкиот факултет за цивилни пилоти за авијација во Омск. Набрзо го положил пилотскиот испит, а почнал да работи во фирмата на неговиот татко која превезувала луѓе до Камчатка.
Меѓутоа, кога ситуацијата со вирусот почна малку да слабее, а границите беа се поотворени, тој наводно изразил желба барем уште еднаш во наредните години да се обиде во биатлон, но тој план го спречил една од најголемите трагедии во поновата историја.
