Да ја искористиме сезоната и да направиме слатка зимница
На секоја домаќинка и е јасно зошто нашите баби повеќе сакале да готват, на пример, домашен џем од сливи или кајсии. Се разбира, затоа што овошјето се чисти многу побрзо. Посебно се „пипави“ црешите и вишните, бидејќи е прилично незгодно да се отстранат семчињата од нив, особено кога се работи за поголеми количества овошје.
Во рецептот не пишува, а она што некои домаќинки го користат кога прават џем од вишни е да го направат со цимет. Тоа е апсолутно прашање на вашиот вкус и вкусот на вашето домаќинство. Најдобро е овој зачин да го имате при рака, а дури на крајот од готвењето одлучувате дали да направите домашен џем од вишни со цимет или без него.
Состојки:
1 кг цреши (по желба може и бели цреши и обични)
околу 600 до 700 гр шеќер (во зависност од тоа колку е слатко овошјето)
сок од 1/2 лимон
цимет (по избор)
Подготовка
Прво исчистете ги црешите од семките. Потоа ставете ги во тенџере во кое ќе го варите џемот и посипете ги со шеќер. Најдобро е да се стави околу 400-500 грама шеќер. Покријте го овошјето и оставете го да отстои малку, по можност преку ноќ.
Следниот ден овошјето прелијте го со сок од половина лимон и ставете го на тивок оган да се свари. Доколку мислите дека треба, можете да ја додадете преостанатата количина шеќер. Оставете го да крчка и отстранете ја пената што се појавува цело време.
Доколку ви пречат поголеми парчиња, можете малку да ги исецкате со рачен миксер или како кога правите пире од компири. Во меѓувреме, стерилизирајте ги теглите во рерната. Кога џемот е готов, истурете го во врели тегли.
