Под силно влијание на циклоните е и нашиот регион. Обилни врнежи од дожд со грмотевици оваа вечер ја зафатија Црна Гора. Во вечерните часови се очекуваат врнежи од дожд и грмежи, а врнежите ќе продолжат да бидат обилни и ќе се движат во југозападна висока струја.
Поради многу обилни врнежи и локално посилни грмежи, на места можни се поплави и порои.
Поради големото количество вода се препорачува внимателност во сообраќајот, а можна е и појава на одрони.
На удар на вечерашното невреме ќе бидат пошироките области на Херцег Нови, Подгорица, Никшиќ, Колашин, Плав, Гусиње и други места.
Во текот на вечерните и ноќните часови локално се очекува да наврнат над 100 литри дожд, па дури и повеќе.
Дува и силен југозападен ветер, додека олујното југо крева повеќеметарски бранови.
Во исто време, северна Далмација, како и подрачјето на северниот дел на Јадранот и Истра, се под влијание на пороен дожд и грмежи.
Претходните обилни дождови зафатија поголем дел од Словенија, БиХ и остатокот од Хрватска, но немаше поголеми проблеми.
Во претходните 24 часа многу обилни врнежи од снег го зафатија подрачјето на Алпите, а снежната линија се спушти на 1000 метри надморска височина.
Над 1500 метри наврнаа повеќе од 30 сантиметри нов снег.
Најобилен снег падна на Алпите на западот на Австрија, на северот на Италија и на југот на Швајцарија, а снег повремено сè уште паѓа во овие области.
Кога е во прашање викендот, низ нашиот регион се уште ќе има повремени врнежи од дожд и грмежи, а снег ќе паѓа на Алпите и повисоките планини.
Освен вечерва, најобилни врнежи особено на југот на Црна Гора се очекуваат и вечерва, претпладне и во ноќните часови кон понеделник, при што би наврнале дополнителни 100 до 200, локално и над 300 литри дожд на метар квадратен, заедно со поплави и порои.
Поради заладувањето врнежите од дожд ќе преминат во снег на повисоките планини на Црна Гора и БиХ со формирање на снежна покривка претежно над 1500 метри надморска височина.
Кај нас во Македонија за викендот ќе биде променливо облачно со повремени врнежи од дожд, локално врнежите ќе бидат поројни проследени со грмежи.
