Постојана кашлица, отежнато дишење, постојан замор или нагло губење на тежината може да бидат предупредувачки знаци.
Симптомите на овој тип на рак се многу неспецифични и ретко кој веднаш ќе се посомнева во најлошото. Затоа, внимавајте доколку некое од следниве често се повторува, е хронично или ви го попречува квалитетот на животот, пишува Ординација.хр.
Постојана кашлица
Секоја форма на продолжена кашлица бара посета на лекар. Ако не престане или се влоши, посетете го вашиот лекар. Исто е и со честите респираторни инфекции.
Ненадејно губење на тежината
Ненадејното губење на тежината без очигледна причина е секогаш црвено знаме. Клетките на ракот бараат повеќе енергија од здравите клетки, така што телото троши повеќе калории. Тоа влијае и на хормоните кои го контролираат апетитот.
Засипнатост
Кога туморот расте во нервите во центарот на градниот кош, може да го притисне или да го оштети нервот во гркланот кој ги движи гласните жици, предизвикувајќи засипнатост.
Замор и губење на енергија
Пациентите со рак во дури 80 отсто од случаите чувствуваат неопислив замор. Ако спиете доволно и сè уште не можете да станете од креветот, посетете лекар.
Промена на ноктите
Ако развиете кафена или црна линија или точка под ноктот, посетете го вашиот лекар. Појавата на заоблени нокти исто може да укаже на рак на белите дробови.
Болка во градите
Во зависност од локацијата на туморот, може да предизвика силна болка во градите.
Скратен здив
Ако растечкиот тумор го оштети нервот поврзан со дијафрагмата, резултатот е отежнато дишење и ниски нивоа на кислород во крвта, вели д-р Роберт Л. Кит, пулмолог кој е специјализиран за рак на белите дробови.
Кашлање крв
Симптом сам по себе не може да биде добар знак. Задолжително посетете лекар.
