Иако не е толку популарно како арганот или бадемот, маслото од орев е врвна состојка благодарение на неговите смирувачки и антимикробни ефекти.
Орев, јаткасто овошје што потекнува од делови од Централна Азија и медитеранскиот регион. Познато е дека е полн со омега-3 масти, протеини, антиоксиданси, растителни стероли, магнезиум, бакар, витамини А, Д итн.
Јаткастите плодови не само што имаат добар вкус, туку ни даваат огромна количина на енергија и нудат многу здравствени придобивки. Старите Грци ги нарекувале „Јупитерово овошје“, сметајќи ги јаткастите плодови погодни и за боговите.
Многу неправедно запоставено, а некои експерти тврдат дека маслото од орев може да биде вистинско чудо во негата на кожата. Се користи со векови во ритуалите за подмладување, бидејќи и дава на кожата висок процент на влажност.
Дури и историските документи наведуваат дека ова масло било вистински тренд во 17 век, но и многу порано, во античка Грција и Рим.
Иако не е толку популарно како арганот или бадемот, маслото од орев е врвна состојка благодарение на неговите смирувачки и антимикробни ефекти врз кожата, пишува Byrdie.
Маслото од орев се добива од самиот плод. Оревите се општо признати како еден од најздравите јаткасти плодови, а некои студии сугерираат дека дури и само консумирањето масло од орев може да го потикне здравјето на кожата.
Кога се нанесува на кожата, придобивките од маслото се уште поголеми.
Маслото од орев е емолиент за регенерација на кожата, што значи дека има моќ да ја омекне и смирува. Истражувањата покажуваат дека го подобрува здравјето на кожата, помага раните побрзо да зараснат и лечи некои кожни болести, како што е егземата.
Богат е со антиоксиданси, благодарение на големата доза на витамин Е, омега-3 масни киселини и линолеинска киселина, која, според бројни студии, ефикасно ја регенерира и омекнува кожата.
Оревот има и значително количество на витамин Б5, попознат како пантенол, кој има антивоспалителни, хидратантни и регенеративни својства.
Исто така, содржи високо ниво на линоленска и олеинска киселина, така што обезбедува влажност на кожата го стимулира метаболизмот на клетките на кожата и размената на хранливи материи, го забрзува обновувањето на клетките ии заздравување, ја подмладува кожата.
