Оваа европска дестинација не се наоѓа во студени, пасивни предели, не е ни во соседството, но затоа вреди да се посети. И не само поради убавината и богатото културно наследство, туку и поради тоа што Гранада е најефтината дестинација за градски одмор во Европа.
Се наоѓа на југот на Шпанија, и е еден од најпристапните градови за патниците. Врз основа на истражувањето спроведено од Омио, Гранада се најде на врвот на листата на патници со буџет.
Цената е значаен фактор за повеќето потенцијални туристи. Омио ги рангираше топ 100 дестинации за патување во Белгија, Германија, Франција, Италија, Холандија, Австрија, Швајцарија и Шпанија.
Градовите се рангирани врз основа на бројот на бесплатни атракции, пристапноста до локалниот транспорт и цените на храната и пијалоците. Гранада има многу бесплатни активности, поточно 112. Ова вклучува 10 бесплатни музеи. Една обиколка на градот во просек чини 6 евра, а пивото во повеќето барови не е повеќе од 2 евра, пишува Euronews.
Покрај тоа, Гранада има 1011 бесплатни Wi-Fi точки и 143 јавни фонтани. Редовниот автобуски билет е еден од најевтините во Европа и изнесува 1,40 евра, пренесува ТУ Магазин.
Тврдината Алхамбра е главната атракција на Гранада. Спектакуларната тврдина првично била изградена како ѕидарска тврдина, а потоа станала луксузна резиденција на емирите Насрид.
Друга од најважните историски атракции на Гранада е катедралата, импозантна градба од готска, ренесансна и барокна архитектура за која биле потребни повеќе од 180 години за да се изгради.
Гранада од неодамна е поврзана со големите градови во Шпанија со нов брз воз. Патниците можат да тргнат од Мадрид и да пристигнат во овој андалузиски град за три часа или за четири часа од Севиља.
