Кора од манго помага против дебелеење, а тоа е само една од нејзините повеќекратни придобивки
Манго (mangifera indica) е тропско коскесто овошје со големина на грејпфрут. Неговата боја варира од жолта до зелена или црвено-зелена, содржината е мека, а плодот има нејадлива, тврда семка во средината.
Мангото потекнува од Јужна Азија, но сега се одгледува во други земји.
И дали ги знаете неговите придобивки?
- Моќен антиоксиданс
Мангото се добар извор на заштитни соединенија со антиоксидантни својства; овие растителни хемикалии вклучуваат галотанини и мангиферин кои се проучувани поради нивната способност да се спротивстават на оксидативниот стрес поврзан со секојдневниот живот и изложеноста на токсини.
Студијата од 2012 година, која ја разгледуваше кората од манго, заклучи дека таа може да игра улога во спречувањето на дебелината, благодарение на растителните хемикалии кои се наоѓаат таму. - Помага при варење
Студијата од 2018 година покажа дека луѓето со хроничен интестинален запек кои јаделе манго во период од четири недели имале значително подобрување на симптомите, делумно поради содржината на влакна, но потенцијално и поради други соединенија во овошјето.
Интересно е што лисјата на дрвото манго предизвикуваат и „антидијареален“ ефект благодарение на растителните хемикалии во листовите. - Чувар на убавината
Мангото содржи високо ниво на витамини А и Ц.
Витаминот Ц е вклучен во формирањето на колаген – протеин кој делува како скеле за кожата, одржувајќи ја мазна и цврста.
На нашата коса и треба витамин Ц и за производство на колаген и за апсорпција на железо – важен минерал потребен за раст на косата.
На сите клетки им треба витамин А за да растат, вклучително и кожата и косата – а некои студии сугерираат дека тој може да понуди потенцијален заштитен ефект против знаците на стареење.
Една од клучните улоги на витаминот А е неговото учество во производството на себум, мрсна супстанција која ја навлажнува нашата кожа и скалп. - Може да влијае на здравјето на срцето и очите
Студија на животни од 2016 година сугерираше дека мангото нуди придобивки за заштита на срцето, вклучително и намалување на воспалението.
Понатамошни истражувања на животни сугерираат дека истата растителна хемикалија може да помогне во балансирање на холестеролот.
Иако овие студии на животни се охрабрувачки, недостигаат испитувања на луѓе и треба да се направат повеќе истражувања за да се процени дали овие придобивки се повторуваат и кај луѓето.
Портокаловото месо на мангото ни кажува дека е богато со каротеноиди кои го поддржуваат здравјето на очите. Особено, тие обезбедуваат лутеин и зеаксантин, два каротеноиди кои играат важна улога во мрежницата на окото, заштитувајќи ја од сончева светлина и од сината светлина што ја емитуваат дигиталните уреди.
Лутеинот и зеаксантинот се особено корисни во борбата против знаците на макуларна дегенерација поврзана со возраста.
