Колкумина од вас имаат потреба да се истегнуваат наутро? Особено раното будење е тешко за многумина. Зевањето, триењето на очите и истегнувањето се само дел од работите што ги правиме во утринските часови.
Ако се прашувавте дали истегнувањето е воопшто корисно и здраво, одговорот е да. Тоа помага да се стимулира циркулацијата и да се зголеми енергијата, што може да ви помогне да го започнете денот посвежи. Според една позната компанија за помош за спиење, ова се придобивките од истегнување веднаш по будењето:
– ја зголемува флексибилноста на мускулите и зглобовите
– ја подобрува циркулацијата
– ја намалува напнатоста и стресот
Како што истакнуваат, истегнувањето е најдобриот аларм за телото, тоа всушност испраќа сигнали до мозокот дека е време да ги разбудиме сите наши мускули. Освен нив, ни се движат и зглобовите, како и циркулацијата по неколку часа лежење. Освен за утрински часови, истегнувањето е добредојдено во секое време од денот. Значи, ако работите работа за која се потребни осум часа или повеќе седење, не е лоша идејата малку да го истегнете телото.
Експертите препорачуваат да останете во секоја поза одредено време кога се истегнувате. Обично, значи, 30 секунди е оптималното време. Ова ќе ви помогне да се ослободите од стресот и да им дадете на вашите мускули доволно време да се релаксираат. После тоа, опуштете се и дишете нормално до следното истегнување, кое исто така ќе го држите 30 секунди.
