Повеќе од 1,2 милиони луѓе во светот починале во 2019 година од инфекции предизвикани од бактерии кои се отпорни на антибиотици, покажува најсеопфатната студија направена досега на оваа тема.
Годишно има повеќе смртни случаи отколку од маларија или ХИВ.
Во посиромашните земји е забележана поголема отпорност на антибиотици, што е закана за здравјето на сите, се наведува во студијата.
Потребни се итни инвестиции во изнаоѓање на нови лекови, а оние што се моментално достапни треба да се користат повнимателно, за да се намали отпорноста.
Прекумерната употреба на антибиотици во последните години, кои се користат и за поблаги форми на инфекции, доведе до фактот дека овие лекови се сè помалку ефикасни во борбата против сериозни болести.
Луѓето умираат од вообичаени инфекции, кои претходно биле лекувани едноставно, се затоа што бактериите стануваат поотпорни.
Здравствените власти во Велика Британија предупредија дека може да се случи „скриена пандемија“ за време на Ковид, доколку рецептите за антибиотици не се препишуваат на совесен начин.
Многу смртоносни бактерии
Проценката на бројот на смртни случаи во светот, објавена во стручното списание „Лансет“, се заснова на анализа на податоци од 204 земји, а беше спроведена од меѓународен тим експерти предводен од Универзитетот во Вашингтон.
Тие проценуваат дека во 2019 година, до пет милиони луѓе во светот умреле од болести поврзани со отпорност на антибиотици, а 1,2 милиони умреле директно од последиците на отпорноста.
Се проценува дека СИДА-та била причина за 860.000 смртни случаи таа година, а маларијата 640.000.
Повеќето смртни случаи поврзани со отпорност на антибиотици се предизвикани од инфекции на долните респираторни органи, како што е пневмонија, како и инфекции на крвотокот, што може да доведе до сепса.
Staphylococcus aureus е особено смртоносен, додека Escherichia coli и неколку други бактерии се многу отпорни.
Врз основа на податоците од здравствените досиеја на пациентите, студиите и други извори, истражувачите открија дека малите деца се изложени на најголем ризик да умрат.
Една од пет смртни случаи кај децата е поврзана со отпорност на антибиотици кај деца на возраст под пет години.
Стапките на смртност се највисоки во субсахарска Африка и Јужна Азија, со 24 смртни случаи на 100.000
Тие се најниски во земјите со високи приходи, 13 на 100.000.
Избор на антибиотици
Антибиотиците можеби веќе нема да можат да не спасат, бидејќи бактериите на кои би требало да делуваат стануваат отпорни
Повеќе од 1,2 милиони луѓе во светот починале во 2019 година од инфекции предизвикани од бактерии кои се отпорни на антибиотици, покажува најсеопфатната студија направена досега на оваа тема.
Годишно има повеќе смртни случаи отколку од маларија или ХИВ.
Во посиромашните земји е забележана поголема отпорност на антибиотици, што е закана за здравјето на сите, се наведува во студијата.
„Не голтајте антибиотици сами, некои инфекции се поиздржливи и поотпорни на нив“
Користете мед против кашлица, вели науката
Потребни се итни инвестиции во изнаоѓање на нови лекови, а оние што се моментално достапни треба да се користат повнимателно, за да се намали отпорноста.
Професорот Крис Мареј од Институтот за здравствена метрика и евалуација на Универзитетот во Вашингтон вели дека новите податоци го откриваат вистинскиот степен на отпорност на антибиотици во светот.
Тој смета дека ова е јасен сигнал дека е итно да се преземат мерки, „ако сакаме да останеме во првите редови на трката“.
Други експерти велат дека е потребно подобро следење на нивоата на отпор во многу земји и региони.
Д-р Раманан Лакминараиџан од Центарот за динамика на болести, економија и политика во Вашингтон смета дека е неопходно да се зголемат инвестициите во борбата против отпорноста на антибиотици.
Тој тврди дека тие инвестиции треба да се изедначат со оние за борба против други болести.
„Средствата првенствено треба да се насочат кон спречување на инфекции, со обезбедување дека постоечките антибиотици се користат совесно и на соодветен начин, а исто така е важно да се пласираат нови антибиотици на пазарот“, рече тој.
Голем дел од светот се соочува со проблемот на недостапност на евтини, ефективни антибиотици, а лидерите ширум светот мора да го сфатат сериозно, додаде д-р Лакминараиан.
