Возач на лондонското метро на својот разглас извикуваше „Палестина ќе биде слободна“ во текот на денешниот шпиц.
Толпата во вагонот радосно ги поздравуваше неговите зборови.
Според Дејли Мејл, сето тоа се случило на централната линија на метрото веднаш откако околу 100 илјади луѓе излегле на улиците на британската престолнина за да учествуваат на мирни демонстрации за поддршка на палестинскиот народ.
Видео од социјалните мрежи.
Илјадници демонстранти се приклучија на денешниот пропалестински собир во центарот на Лондон, среде војната меѓу Израел и Хамас. Маршот започна околу 13 часот, а пропалестинските активисти претходно денеска го обоија седиштето на Би-Би-Си во црвено.
Активистичката група Палестинска акција ја презеде одговорноста за вандализмот на зградата рано утринава, обвинувајќи ја телевизијата дека има „палестинска крв на рацете“.
