Руските војници прибегнаа кон нова тактика во Доњецк, а тоа е употреба на „тенкови самоубијци“. На видеото кое сега е објавено, се чини дека тенк Т-54 или Т-55 исполнет со експлозив во близина на Маринка, Украина, експлодирал во близина на украинските војници.
Нападот доаѓа кога Киев е принуден да ја прекине својата контраофанзива на југот на земјата поради големи загуби на западните оклопни возила, според Волстрит журнал.
Новите видео снимки од Доњецк покажуваат Т-54 на далечински управувач натоварен со експлозиви како кружи кон украинскиот ров.
Додека Украинците се обидуваат да го одбијат, тенкот самоубиец удира во мина и успорува.
Украински војник потоа го погодува со ракета, разнесувајќи го тенкот,после што се гледа огромна огнена топка.
И покрај тоа што тенкот беше запрен на околу 200 метри од Украинците, веројатно е дека големиот бран притисок од експлозијата убил некои војници.
Русија ја користела оваа тактика најмалку два пати претходно, иако ова е првпат експлозија да биде фатена на камера.
Руското Министерство за одбрана потврди дека овој разорен метод на уништување бил користен барем еднаш претходно.
