Недостатокот на јод може да предизвика гушавост, хроничен замор, дебелина…
Иако не се споменува често, јодот е многу важен за здравјето бидејќи:
тоа е природен антибиотик и антивирусно средство
помага во спречување на многу болести
обезбедува правилно функционирање на тироидната жлезда и имунолошкиот систем
ја подобрува менталната јасност
го смирува нервниот систем
ја ублажува напнатоста.
Европската управа за безбедност на храната (ЕФСА) дури тврди дека постои јасна врска помеѓу нивото на јод кај жената за време на бременоста и подоцнежната интелигенција на детето. Правилната исхрана може да влијае на правилниот раст и развој, особено за време на бременоста и најраниот период од животот на детето. Во текот на животот, можно е да се влијае на менталните и физичките капацитети.
Д-р Ранко Рајовиќ истакнува: „Јодот е неопходен за нормален раст и развој на децата, а пред се за нормален развој на централниот нервен систем и интелигенција, особено во првите неколку години од животот“.
Недостатокот на јод може да предизвика гушавост, хроничен замор, зголемување на телесната тежина, зголемена чувствителност на студ, сува кожа, дигестивни проблеми, лошо расположение, тенка и сува коса. Убавината и здравјето доаѓаат одвнатре, па затоа е многу важно што внесувате во вашето тело со храна и вода.
Најдобри извори на јод се алгите, морската риба и јодирана сол.
