Доколку ве очекува друштво, за да ја продолжите традицијата на читателскиот клуб или да уживате со соседите со ужина, имаме предлог за пијачка со која можете да ја затворите, а можеби и да ја започнете вечерта.
Вкусот повеќе потсетува на десерт на чаша, а може да го наречеме топло чоколадо за возрасни, поради присуството на рум. Се надеваме дека сте подготвени, бидејќи веднаш преминуваме на процесот на подготовка.
Состојки
- 6 лажици несолен путер
- 1 чаша кафеав шеќер-
- ¼ шолји мед
- 1 лажичка мелен цимет
- ½ лажичка мелен ѓумбир
- ¼ лажички мелени каранфилчиња
- ¼ лажички мелено морско оревче
- 2 чаши вода
- 1 шолја рум
- ¼ лажичка екстракт од ванила
- стапчиња цимет, за декорација
Подготовка
- Растопете го путерот на умерен оган, потоа додадете кафеав шеќер и мед и мешајте додека не се раствори.
- Потоа додадете зачини: цимет, ѓумбир, каранфилче и морско оревче и оставете на оган уште 5 минути.
- Време е да додадете вода за да зоврие содржината во тенџерето. Во меѓувреме, промешајте по потреба.
- Пред крај, кога смесата ќе се динста, шерпата се трга од оган, се додава румот и екстрактот од ванила.
- Напитокот рамномерно поделете го на 4 чаши и послужете веднаш, украсен со стапчиња цимет.
