Денеска е 351 ден од војната во Украина.
Володин: Тврдењата на американски новинар за Северен тек доволни за истрага
Објавувањето на блогот на американски новинар, кој тврди дека САД стојат зад експлозиите на Северен тек, треба да стане основа за меѓународна истрага, изјави претседателот на руската Државна дума Вјачеслав Володин.
Белата куќа ги отфрли наводите на американскиот истражувачки новинар Сејмур Херш, кој рече дека нападот на гасоводот, извршен во септември, бил нарачан од американскиот претседател Џо Бајден.
Институт за војна: Почна нова голема руска офанзива
Институтот за проучување на војната објави дека руските сили започнале нова голема офанзива на истокот на регионот Луганск.
Уништено складиште за муниција во близина на Херсон; Макрон предлага организирање мировна конференција
Руските артилерици гаѓаа складиште со опрема на украинските војници во близина на Херсон, каде имаше возила со муниција за американската хаубица М777 и други системи, изјави изворот на Спутник.
Во таа прилика била уништена муниција како хаубица проектили М777 155 мм, хаубици проектили 2А65 Мста-Б, проектили хаубица Д-30 од 122 мм и 5 возила.
Соборени девет украински беспилотни летала во областа Брјанск
Во текот на ноќта, украински беспилотни летала го нападнаа округот Стародуб во Брјанската област, но рускиот систем за противвоздушна одбрана го одби нападот, изјави гувернерот Александар Богомаз на својот Телеграм канал.
– Украинските националисти синоќа со беспилотни летала ја нападнаа територијата на општинскиот округ Стародуб. Како резултат на системот за противвоздушна одбрана беа соборени сите девет од девет летала за напад. Благодарност до нашите бранители! – тој напиша.
Русите полека напредуваат во Луганск
Руските сили ја вратија иницијативата во Украина и ја започнаа својата следна голема офанзива во источниот регион Луганск, соопшти Институтот за проучување на војната (ISW) во својот најнов извештај.
„Посветеноста на значајните елементи од најмалку три големи руски дивизии за офанзивни операции во овој сектор укажува на тоа дека руската офанзива започна, дури и ако украинските сили досега ги спречуваа руските сили да постигнат значителни придобивки“, рече ISW, додавајќи дека „ темпото на руските операции долж линијата Сватове-Кремина во западен Луганск значително порасна во текот на изминатата недела“.
Цитирајќи руски извори, тинк-тенкот рече дека руските трупи ги напаѓаат украинските одбранбени линии и прават благ напредок долж границата Харков-Луганск, особено северозападно од Сватова кај Купјанск и западно од Кремина.
Пригожин: Вагнер повеќе не регрутира затвореници
Групата Вагнер престана да регрутира затвореници да се борат во Украина, изјави основачот на групата, Евгениј Пригожин.
„Регрутирањето на затвореници од страна на приватната воена компанија „Вагнер“ целосно престана. Ги исполнуваме сите наши обврски кон оние кои сега работат за нас“, ја пренесе неговата изјава „Ројтерс“.
Зеленски се обрати пред Европскиот парламент
Украинскиот претседател беше пречекан со овации и извици, пренесува Градиан.
Според британските медиуми, „Се чини дека Зеленски се бори со солзите додека извикува „Слава на Украина!“.
