Кинескиот град Чонгкинг од денеска почна да го намалува работното време во трговските центри поради „вонредна ситуација“ во снабдувањето со електрична енергија, предизвикана од актуелниот топлотен бран, соопшти владата.
Овие мерки значат дека неколку десетици трговски центри во градот треба да се прилагодат на работното време од 16 до 21 часот, за да се овозможи безбедна и рамномерна дистрибуција на електричната енергија и да се обезбедат основните потреби за целото население, соопштила градската Економско – информациона комисија.
Мерките ќе продолжат до понатамошно известување, а надлежните ќе одлучат кога состојбата ќе се нормализира, врз основа на временската прогноза и состојбата со снабдувањето со електрична енергија.
За наредните денови се предвидуваат температури над 42 степени.
Градот Чонгкинг се наоѓа во провинцијата Сечуан, на околу 1.800 километри од Пекинг и има околу девет милиони жители.
