Експлозија одекна во Кабул, во областа каде што се наоѓа зградата на руската амбасада. Тоа е терористички напад.
Експлозијата се случила кога руски дипломат излегол да го прочита списокот на оние кои чекаат на редот за визи, изјави Хамид Хаидари, поранешен главен уредник на 1ТВ Њуз.
Очевидци изјавија дека може да има околу 20 загинати.
Министерството за надворешни работи на Русија соопшти дека во самоубиствениот терористички напад загинале двајца руски дипломати. Станува збор за вториот секретар на амбасадата Шах Махмуд и член на обезбедувањето на амбасадата.
Во август 2021 година, талибанците го зазедоа Кабул и прогласија крај на војната со владините сили. Ноќта на 31 август американската војска го напушти аеродромот во Кабул, со што заврши 20-годишната воена мисија во Авганистан.
