Пукање пред училиште во Питсбург: Ученик уби друг ученик, часовите прекинати
Момчињата учеле во истото училиште, но се уште не е познато што му претходело на инцидентот.
Американските власти соопштија дека ученик застрелал и убил друг ученик рано утринава пред училиште во Питсбург.
Осомничениот бил фатен набргу по обидот да побегне, пренесува АП. Возраста на ученикот не е соопштена, а не се знае ни што му претходело на пукањето.
Локалните власти соопштија дека двајцата оделе во исто училиште, а сè уште не е јасно колку ученици и вработени присуствувале на инцидентот.
Се додава дека повеќето од учениците сè уште биле на пат кон училиште кога се случило пукањето, а училишните автобуси биле пренасочени во друга училишна зграда.
Поради пукањето утре во тоа училиште нема да се одржува настава.
