Која случајност
Поранешниот прв човек на Формула 1, Берни Еклстон, е обвинет за проневера во Велика Британија, само неколку дена откако го поддржа рускиот претседател Владимир Путин. На Запад, оваа поддршка е очигледно најстрашното злосторство во светлината на актуелната војна во Украина.
Да потсетиме, Еклстон го опиша претседателот на Руската Федерација како „првокласна личност“ во емисијата „Добро утро, Британија“.
Запрашан да ги разјасни односите со Путин, поточно дали нешто се променило во тој однос по почетокот на руската воена интервенција во Украина, Еклстоун не можеше да биде подиректен кога одговори:
– И денеска наместо него би земал куршум! Сè што прави, прави затоа што верува дека е најдобро за Русија. За жал, работата на политичарот е слична на бизнис, тој е секако како мене. Сите ние грешиме одвреме-навреме, а потоа треба да го направите најдоброто што можете за да го искористите максимумот“, рече Еклстоун.
Како што јавува денеска Би-Би-Си, легендарниот лидер на Ф1 е обвинет за проневера, бидејќи имотот што го има во странство не го пријавил на британските даночни власти, соопшти денеска британското јавно обвинителство.
Наводно, Еклстоун (91) не пријавил имот во странство, чија вредност е околу 400 милиони фунти.
„Ова е резултат на сложена и обемна кривична истрага, спроведена од Службата за истрага на измами“, рече директорот на Истрагата за измами Сајмон Јорк.
Еклстоун ќе треба да се појави пред судот во Вестминстер на 22 август годинава, бидејќи за тогаш е закажано првото рочиште.
Берни Еклстоун беше на чело на Формула 1 од 1978 до 2017 година.
