Министрите во владата на Велика Британија се погласни во барањата за протерување на Албанците од Обединетото Кралство.
Причина за ова се албанските организирани криминални групи кои го привлекоа вниманието на британските медиуми, но и на политичарите, почнувајќи од премиерот Риши Сунак, кој најавувајќи нови мерки насочени кон намалување на бројот на мигранти кои пристигнуваат од Албанија во Обединетите Кралството, рече дека илјадници Албанци ќе бидат вратени дома во следните шест месеци.
Албанските организирани криминални групи го привлекоа вниманието на британските медиуми, особено на бандата „Хелбанијанз“, чии членови живеат во неколку кули на имотот Гаскојн кај Баркинг, пишува „Сан“, повикувајќи се на Коха.
Членовите на групата „Хелбанијанз“ се главно од Бурели, Кукеши и Хаси, а досега неколку пати се исмевале со британската правда, бидејќи иако биле уапсени во Британија, додека се во затвор, успеваат да остават постови на социјалните мрежи.
Според британските медиуми, тајната мрежа на албански банди е распространета низ земјата, а тие живеат во палати, вили или замоци.
Британскиот министер за имиграција Роберт Џенрик пред два дена повика на „чистење“ на Албанците.
– Вчера го посетив имиграцискиот центар за да ги видам нашите неделни летови за Албанија и да им се заблагодарам на персоналот за нивната работа да ги чува нашите граници и да не заштити сите нас. Најдете ги Албанците, запрете ги, однесете ги на аеродром и вратете ги во Тирана. Не само овие илегални имигранти, туку и опасни криминалци кои се осудени за дрога – рече тој.
Неговата изјава предизвика реакција на албанската министерка за надворешни работи Олта Џачка која на Твитер напиша дека е шокирана од јазикот што го употребил британскиот министер.
(Косово онлајн)
