За подобри резултати, збогувајте се со него.
Еве како алкохолот влијае на нашите вежби.
Дехидрација
Ако вашата кожа е сува како Сахара, знајте дека синоќешните коктели лошо влијаеле на вас. Алкохолот е диуретик и го дехидрира телото. Повеќето симптоми на мамурлак се директен резултат на дехидрација. Водата е клучна за одржување на нашето тело здраво и помага во регулирање на температурата, а ако сте дехидрирани, може да го отежне вежбањето.
„Ако алкохолот е во вашиот организам, пулсот ќе ви се зголеми побрзо од вообичаено и температурата на вашето тело значително ќе се зголеми, што ќе го направи вежбањето понепријатно. Исто така, ќе се потите повеќе отколку што сте навикнати, што дополнително ќе го дехидрира вашето тело“, вели нутриционистката Каролин Вилсон.
Ако пиете, обидете се секој пат да пиете чаша вода со вашиот алкохолен пијалок, што секако нема да ја спречи дехидрацијата, но барем малку ќе ја ублажи.
Мускулен замор
Млечната киселина, која е виновникот за грчевите, се акумулира кога пиеме алкохол, што значи дека многу е поголема веројатноста да доживееме поболни моменти за време на тренингот кога сме мамурни.
„Заморот на мускулите и недостатокот на хормони за раст, кои се од витално значење и за градење на мускулите и за обновување на мускулите, се неизбежни“, вели Вилсон, додавајќи: „Ако постојано пиете, времето за опоравување по тренингот ќе биде долго и ќе биде многу тешко да се изградат мускули воопшто“.
Перформанси
Иако минималната консумација на алкохол можеби нема да влијае на тоа како вежбате следниот ден, поголемите количини сигурно ќе влијаат. Една студија покажа дека мамурлакот може да ги намали вашите аеробни перформанси за 11,4 проценти следниот ден. Заклучокот е дека ќе ви биде потешко да вежбате и нема да бидете толку задоволни од перформансите.
Шеќер
„Алкохолот често е преполн со шеќер кој брзо се претвора во гликоза кога целосно се вари“, вели Вилсон. Овој ненадеен скок значи дека телото страда од воспаление, што може да доведе до задржување на водата, надуеност и обновен замор. „Моја препорака е да избегнувате вина, коктели и пијалоци со сирупи доколку планирате да вежбате во деновите по пиењето – тие се натоварени со шеќер во голема мера и тоа дефинитивно ќе влијае на вашиот тренинг.
Бавен метаболизам
Благодарение на стресот што алкохолот го предизвикува на дигестивниот систем, желудникот и цревата стануваат мрзеливи. „Како што дигестивните секрети слабеат, брзината со која телото ги апсорбира основните хранливи материи исто така се намалува, што доведува до побавен метаболизам. Вилсон препорачува да се одлучите за храна богата со хранливи материи (како што се јаткастите плодови и темнозелениот зеленчук) пред алкохолот за да му помогнете на вашиот дигестивен систем да функционира најдобро.
Желба за нездрава храна
После неколку пијачки следниот ден често имаме желба за мрсна храна. „Алкохолот го стимулира растот на хемикалија во мозокот наречена галанин, која предизвикува желба за масна храна. Тоа чувство на бавност и јадење без хранливи материи значи дека нашето тело не се храни правилно и вежбањето ќе биде тешко, пишува Vogue.co.uk.
