Српскиот претседател Александар Вучиќ и косовскиот премиер Аљбин Курти денеска во Брисел одвоено ќе се сретнат со специјалниот пратеник на ЕУ Мирослав Лајчак, а најверојатно сите тројца потоа ќе се сретнат заедно. Темата е една – продолжување на патот кон нормализирање на односите меѓу двете и потпишување барем на основната „хартија“ од двете страни. Деталите од преговорите ќе ги слушнеме попладнево, а сите погледи на Западот се „вперени“ кон средбата меѓу лидерите на Белград и Приштина.
Дали во форма на анекс кој треба да гарантира формирање на ЗСО или во форма на документ кој е почеток на конечен договор меѓу двете страни, ЕУ ќе им понуди „документ“ на двете страни. Дали ќе прифатат ќе се знае попладне.
Силната дипломатска активност, зголемениот притисок поради војната во Украина и решеноста на Европа и САД конечно да ги затворат сите невралгични точки во својата зона на интерес ги „примораа“ Вучиќ и Курти уште еднаш да седнат на маса. Малку порано слушнавме и од претседателот на Србија дека се во прашање големи работи.
Од една страна инвестиции и отворен прозорец кон светот, од друга изолација и „прст во око“ на западните партнери со можни последици. Станува збор за понуда што ни ја испратија преку „мали сигнали“ од дипломати и функционери кои пристигнаа во Србија.
Двете страни, Белград и Приштина, си поставија свои црвени линии, што ги прави преговорите отежнати и неизвесни од самиот почеток.
Вучиќ изјави и дека средбата нема да биде „лесна“, повторувајќи во неколку наврати дека е невозможно да се преговара со Курти. Од друга страна, Курти веќе јасно ги кажа своите линии – за ЗСО нема дискусија.
Курти за приштинските медиуми изјави дека очекува посредникот во дијалогот Косово-Србија да се држи до европскиот предлог и да не се фокусира на, како што наведе, интересите на едната страна.
По понеделник ќе знаеме каде сме“, рече косовскиот премиер и рече дека е огромен оптимист за потпишувањето на договорот од двете страни до крајот на годинава.
После тоа Курти во телефонски разговор со високиот советник на Стејт департментот Дерек Шол потврдил дека Приштина го прифаќа европскиот предлог.
Ако не се потпише, следува изолација?
Известувачот за Косово во Европскиот парламент, Виола фон Крамон, рече дека страната што ќе го отфрли француско-германскиот договор или страната што не е конструктивна ќе биде се поизолирана на меѓународно ниво и дека обидите да се опише Заедницата на српски општини (ЗСО). како друга Република Српска ги попречуваат напорите за решавање на сериозен проблем.
Таа за порталот „Албанска пошта“ изјави дека за неуспехот ќе биде обвинета страната што ќе го отфрли договорот и додаде дека тоа многу добро го знаат српскиот претседател Александар Вучиќ и привремените институции на премиерот на Приштина, Аљбин Курти.
